Sulmuesi shqiptar Ernest Muçi ka treguar vendosmëri të madhe për të qenë në fushë në derbin e rëndësishëm të Trabzonspor ndaj Galatasaray, pavarësisht një dëmtimi muskulor.
Muçi pësoi një edemë në pjesën e pasme të kofshës pas ndeshjes së Shqipëria ndaj Polonia, duke u detyruar të largohej nga grumbullimi dhe të humbiste miqësoren me Ukraina.
Megjithatë, pas rikthimit në Turqi, gjendja e tij është përmirësuar.
Në bisedë me stafin, ai ka theksuar: “Do të luaj në derbi me çdo kusht. Është ndeshja më e rëndësishme e sezonit.”
Aktualisht, lojtari është në fazë rikuperimi dhe pritet të rikthehet në stërvitje në ditët në vijim. Vendimi përfundimtar për aktivizimin e tij do të merret pak para ndeshjes, në varësi të gjendjes fizike.
Trabzonspor-Galatasaray luhet ditën e shtunë, ora 19:00.
Aktualisht, Galatasaray kryeson rënditjen në Superligën turke me 64 pikë, ndërsa Trabzonspor rënditet i dyti me 60 pikë, po aq sa edhe Fenerbahçe.