Një ngjarje e rëndë është regjistruar këtë të enjte në Shkodër, ku një burrë dyshohet se ka vrarë bashkëshorten e tij.
Sipas informacioneve paraprake, krimi ka ndodhur në zonën e Unazës Perëndimore të qytetit, ndërsa rrethanat e plota të ngjarjes mbeten ende të paqarta.
Menjëherë pas njoftimit, në vendngjarje kanë mbërritur shërbimet e Policisë, të cilat kanë bërë të mundur kapjen e autorit të dyshuar.
Grupi hetimor, nën drejtimin e Prokurorisë, po vijon punën për dokumentimin e plotë të ngjarjes dhe sqarimin e motiveve që çuan në këtë krim brenda familjes.
Sipas të dhënave paraprake burri e ka vrarë me çifte bashkëshorten e tij.
Pritet që në orët në vijim Policia të japë më shumë detaje zyrtare lidhur me ngjarjen.
