Juventusi dhe Milani ndanë nga një pikë në “Allianz Stadium”, në një ndeshje që u vendos në minutat e fundit. Kuqezinjtë ishin pranë fitores, por Gatti shënoi në minutën e 92-të dhe vendosi rezultatin 1-1.
Pjesa e parë u mbyll pa gola, ndërsa Milani kaloi në avantazh në pjesën e dytë. Cisse, vetëm shtatë minuta pasi hyri në fushë, zhbllokoi ndeshjen për kuqezinjtë.
Goli u shoqërua me pretendime nga Juventusi për një faull në aksionin e mëparshëm, por gjyqtari e konsideroi të rregullt.
Juventusi kërkoi barazimin deri në fund dhe e gjeti në minutën e 92-të. Gatti, i futur në lojë vetëm katër minuta më herët, shënoi me kokë dhe i hoqi Milanit mundësinë për të marrë tri pikët.
Ky ishte barazimi i tretë radhazi mes dy skuadrave dhe i pesti në shtatë përballjet e fundit.
Në Premier League, Arsenali mori fitoren në derbin e Londrës ndaj Chelsea-t, duke përmbysur rezultatin në 2-1.
Chelsea kaloi në avantazh që në minutën e dytë me Morgan Rogers. Arsenali reagoi dhe barazoi në minutën e 25-të me Kai Havertz.
Përmbysja e plotë erdhi në pjesën e dytë, kur Odegaard shënoi golin që i dha Arsenalit tri pikët.
ë La Liga, Barcelona fitoi me rezultatin e thellë 5-0 ndaj Valencias.
Lamine Yamal ishte protagonisti kryesor me dy gola, ndërsa në listën e golashënuesve u përfshinë edhe Fermin Lopez, Raphinha dhe Pedri.
Barcelona e kontrolloi ndeshjen dhe siguroi një fitore të rëndësishme në javën e katërt të kampionatit.
Ndërkohë, Manchester United humbi dy pikë në minutat shtesë ndaj Evertonit. “Djajtë e Kuq” po fitonin 2-1, por Everton barazoi 2-2 në minutën e 96-të me Maitland-Niles.