Është mbyllur protesta e 134-të kundër qeverisë së kryeministrit Edi Rama, pas marshimit të qytetarëve në kryeqytet dhe thirrjeve për dorëheqjen e kreut të qeverisë.
Protestuesit u shprehën të vendosur se qëndresa do të vijojë dhe se nuk do të tërhiqen nga kërkesa për largimin e Ramës. Gjatë tubimit dhe marshimit, qytetarët përsëritën sloganet “Poshtë qeveria”, “Rama jep dorëheqjen” dhe “Shqipëria po bën revolucion”.
Në pankartat e tyre kishte edhe thirrje kundër kryeministrit Edi Rama dhe Belinda Ballukut, ndërsa protestuesit kërkuan përgjegjësi politike dhe ligjore.
Protesta e 134-t vjen pas më shumë se katër muajsh tubimesh të njëpasnjëshme kundër qeverisë. Organizatorët dhe aktivistët kanë deklaruar se do të vijojnë aksionin e tyre deri në përmbushjen e kërkesave.
Ndërkohë, më 13 tetor është paralajmëruar edhe një protestë e studentëve në orën 14:00.