Studentët e Fakultetit të Mjekësisë, të cilët po marshojnë në kuadër të protestës, janë ndalur te Fakulteti i Shkencave të Natyrës, ku u kanë bërë thirrje studentëve të tjerë t’u bashkohen në tubim.
“Bashkohuni me ne!”, ishte thirrja e studentëve të Mjekësisë, të cilët po vijojnë marshimin në Tiranë, duke kërkuar mbështetjen e të rinjve të fakulteteve të tjera. Sakaq, punonjësit e sigurisë i kishin mbyllur brenda studentët e këtij fakulteti.