Skip to content

Me pushkë dhe 140 fishekë pa leje me vete, arrestohet 17-vjeçari në Tiranë

Tirane1

Një 17-vjeçar është arrestuar nga Policia e Tiranës, pasi u kap duke lëvizur i armatosur në rrugën e fshatit Allgjatë.

I mituri, banues në Vaqarr, u ndalua në kuadër të operacionit policor të koduar “Guns 3”. Gjatë kontrollit, policia i gjeti një armë zjarri të dyshuar pushkë gjysmëautomatike, si dhe 140 fishekë luftarakë, të cilat i posedonte pa leje.

Operacioni u zhvillua nga shërbimet e Komisariatit të Policisë Nr. 6, pas informacioneve të siguruara në rrugë operative për një person që lëvizte i armatosur.

Materialet procedurale iu referuan Prokurorisë për veprime të mëtejshme.