Shumë shqiptarë vitet e fundit kanë braktisur vendin dhe mijëra të
tjerë bazuar në anketime të ndryshme duan të ikin. Për të gjithë ata që
janë të vendosur, por nuk e kanë përcaktuar ende shtetin, gjiganti
bankar HSBC sugjeron Zvicrën. Bazuar një një anketim ku analizohen
standardet e jetesës dhe konkurrenca e pagave Zvicra është përzgjedhur
nga 18.000 njerëz që janë pyetur dhe kanë emigruar në 163 vende të
ndryshme. Prej tyre vendi më i mirë për të jetuar dhe punuar doli
Zvicra.
Zvicra këtë vit ja ka kaluar Singaporit, i cili kishte fituar për
pesë vjet me radhë. Kurse një vit më parë Zvicra ishte në vendin e tetë.
Të dhënat nga sondazhi thonë se rreth 82% e njerëzve që kanë shkuar në
Zvicër për arsye pune kanë përmirësuar standardin e jetesës së tyre në
krahasim me vendin e tyre të origjinës, por edhe të ardhurat e tyre.
Paga mesatare vjetore është super prej 111.587 dollarë ndërkohë që
mesatarja botërore është 75.966 dollarë.
Përqindjet e kënaqësisë ishin shumë të larta në aspektin e sistemit
ekonomik dhe politik. Por edhe mjedisi luan një rol të rëndësishëm në
këtë fitore, pasi pjesa më e madhe e njerëzve deklaruan dhe ambienti
është i pastër dhe për pasojë ndikimi në shëndet pozitiv. Në këtë
renditje më pas vjen Singapori dhe Kanadaja.Në top listë është dhe Spanja e cila ofron një ekuilibër të shkëlqyer midis jetës private dhe profesionale.