Presidenti serb Aleksandër Vuçiç, pritet të takohet me sekretarin amerikan të shtetit, Mike Pompeo, në kuadër të një takimi të Këshillit të Sigurimit të OKB-së në Nju Jork.
Takimin e bën me dije departamenti amerikan i shtetit në një deklaratë për shtyp. Sipas mediave serbe, temë kryesore e bisedimeve midis Vuçiqit dhe Pompeos do të jetë situata në Kosovë.
Pjesëmarrja e Pompeos në këtë seancë vie në saje të takimeve ndërkombëtare për Lindjen e Mesme, dhe ky është një rast i shumëpritur për Vuçiç, i cili pritet të takohet edhe me sekretarin e Përgjithshëm të Kombeve të Bashkuara, Antonio Guteres.
Shtetet e Bashkuara tashmë kanë marrë qëndrim të njëzëshëm për vazhdimin e dialogut pavarësisht veprimeve të Kosovës lidhur me taksën.
Muaj më parë, kur Serbia u përpoq që të ankohej për taksën në qarqet amerikane, këto të fundit thanë se Kosova është shtet i pavarur, dhe se SHBA-te mund ta këshillojnë, por jo ta detyrojnë të veproj ndryshe.