Ndonëse në ditët e fundit temperaturat kanë rënë me disa gradë në raport me të nxehtin rekord që kaloi në Shqipëri në dhjetëditëshin e parë të gushtit, temperaturat do rriten sërish gjatë kësaj jave.
Shërbimi meteorologjik ushtarak parashikon për javën që sapo ka nisur një mot të qendrueshëm dhe të nxehtë.
Dita e premte, sipas MSHU, si shkak i pranisë së vranësirave dhe zagushisë parashikohet të jetë dita më e nxehtë.
Era do të fryjë nga veriperëndim-juglindja e lehtë dhe herëpashere në mesditë përgjatë bregdetit do të marri shpejtësi mesatare. Valëzimi në dete i forcës 2 ballë.
Një parashikim ky që I shkon në favor kryesisht atyre që kanë marrë pushimet ne 15-ditëshin e dytë të gushtit dhe për të tjerët që shpresojnë të shfrytëzojnë fundjavat që kanë mbetur me mot të ngrohtë.