Dy shtatori shënoi nisjen e procesit të regjistrimit të fëmijëve në të gjitha kopshtet në Bashkinë e Tiranës. Që në ditën e parë u vu re një fluks i madh kërkesash.
Këtë vit, sipas zyrtarëve të bashkisë, shumë prindër po hasin vështirësi në plotësimin e dokumentacionit.
Megjithë rikonstruksionet e bëra vitet e kaluara dhe hapësirat e reja, sërish kopshtet dhe çerdhet nuk e përballojnë dot numrin e lartë të aplikimeve.
Regjistrimet në 34 çerdhe dhe 46 kopshte në kryeqytet do të vazhdojnë deri në datën 15 shtator. Autoritetet presin të akomodojnë këtë vit 11500 fëmijë.
