Gjykata e Lartë e Britanisë hodhi poshtë një sfidë ligjore kundër vendimit të kryeministrit Boris Johnson për të pezulluar parlamentin nga java e ardhshme.
Në aktvendimin e saj, gjykata tha që Johnson u gjet se kishte vepruar brenda ligjit kur ai e këshilloi Mbretëreshën të pezullojë parlamentin deri në 14 tetor.
Çështja u soll në gjykatë nga kryesuesja e fushatës Gina Miller dhe ish-kryeministri John Major.
Në fillim të kësaj jave, një sfidë e ngjashme u refuzua nga gjykata më e lartë civile e Skocisë pasi tha se kryeministri kishte vepruar në mënyrë të ligjshme dhe prorogimi nuk ishte çështje e gjykatave.
Johnson vendosi të pezullojë parlamentin deri më 14 tetor – një veprim i akuzuar si “jodemokratik” nga partitë e opozitës. Johnson është akuzuar për mos shtyrjen e afatin e Brexit pas 31 Tetor.
Dhoma e Komuneve në fillim të kësaj jave miratoi një projekt-ligj, i cili bllokon një Brexit pa marrëveshje dhe pritet të bëhet pjesë e ligjit britanik brenda disa ditësh.
Johnson i cili u zgjodh si udhëheqësi i ri i Partisë Konservatore pas dorëheqjes së Theresa May ka thënë vazhdimisht se Mbretëria e Bashkuar do të largohej nga BE në afatin e 31 tetorit.