Gjatë një vizite në Shkup në kuadër të një turi rajonal, Sekretari amerikan i Shteti Mike Pompeo ka vënë theksin te ndikimi rus dhe ai kinez në rajon.
Perëndimi e ka akuzuar vazhdimisht Rusinë për fushatë për dezinformata në mediat sociale, veçanërisht në vitin 2018, në një kohë beteje politike mbi ndryshimin e emrit, të cilin Moska e ka kundërshtuar.
Kur është fjala për Kinën, ajo ka filluar të zbatojë një politikë investimesh në Ballkan, veçanërisht në ndërtimin e infrastrukturës që mungon në atë rajon të varfër në derën e Bashkimit Evropian, siç e përshkruajnë mediat.
Maqedonia Veriore duhet të “rezistojë me forcë dhe të mbrohet nga ndikimet e dëmshme”, tha Pompeo.
“Vendi juaj duhet të shkojë përpara i udhëhequr nga zemra dhe shpirti i qytetarëve të Maqedonisë Veriore, jo nga serverat dhe trollet ruse në rrjetet sociale”, tha ai.
Dihet që vetë Maqedonia Veriore ishte një qendër e rëndësishme për prodhimin e “lajmeve të rreme” që synonin tregun amerikan gjatë fushatës zgjedhore presidenciale të vitit 2016, e cila u fitua nga Donald Trump.
Pompeo paralajmëroi gjithashtu për një “strategji masive të ryshfetit kinez për kontratat e ndërtimit të infrastrukturës”.
Në gjashtë vitet e fundit, Kina ka zbatuar një strategji të investimeve masive në infrastrukturë dhe në këtë fushë tani po rivalizon evropianët.
Traktatet e tyre mbështeten nga kreditë që Perëndimi po paralajmëron vendet e Ballkanit Perëndimor, të cilat nuk kanë para, duke theksuar se ato mund t’i shtyjnë në skllavërim ndaj borxheve.
