Një zjarr masiv ka përfshirë një sipërfaqe shkurresh në qytetin e Elbasanit. Zjarri është përhapur i favorizuar nga era dhe ka arritur pranë Uzinës së lëndëve plasëse të Mjekësit.
Në këto kushte rrezikohet të shpërthejë Uzina, që përmban një sasi prej 150 tonësh ekzogjen si dhe 3 ton barut të zi.
Në vendngjarje kanë mbërritur dy automjete zjarrfikëse që po punojnë për shuarjen e flakëve dhe për të rivënë në kontroll situatën.
Ndërkohë, edhe grupi hetimor gjendet në terren për të kryer zbardhjen e plotë të rrethanave dhe të shkaqeve të ngjarjes.