Kryetari i Asamblesë Kombëtare Turke(Parlamenti turk), Mustafa Sentop tha të mërkurën se më shumë se 30,000 policë janë larguar nga puna si pjesë e luftës kundër organizatës FETO, të cilën autoritetet turke e konsiderojnë përgjegjëse për përpjekjen për grusht shteti në korrik 2016.
Duke folur në një ceremoni diplomimi në Ankara, Sentop tha që një e treta e të larguarve ishin oficerë të lartë të policisë.
“Në mënyrë të ngjashme, 1,866 u larguan nga detyra për shkak të hetimeve mbi to”, tha Sentop.
E nga ana tjetër, i vuri në dukje se 10.311 oficerë u kthyen në detyrë, pasi nuk u gjetën prova për të mbështetur pretendimet.
Kryetari i Parlamentit turk kujtoi përpjekjet e grupit për të depërtuar në Akademinë e Policisë që nga vitet ’80.
Sentop përsëriti rolin thelbësor që Akademia e Policisë luan në ruajtjen e sigurisë dhe paqes jo vetëm në nivel kombëtar, por edhe ndërkombëtarisht nga forcat e trajnimit nga 76 vende.