Ari është ende një “strehë e sigurt”: ja pse vlera e tij ka arritur nivele historike dhe pse ia vlen të shitet tani.
Vitet e fundit, ari është konsideruar si mbreti i investimeve të sigurta për t’u shitur, streha e fundit e sigurt në kohë krize dhe paqëndrueshmërie financiare. Por a jemi vërtet të sigurt që sot është zgjidhja më e mirë për të mbrojtur pasurin tonë? Apo, me çmimet aktuale në nivelet më të larta të të gjitha kohërave, është koha për të shitur dhe për të marrë likuiditet?
A është ari ende një strehë e sigurt?
Historikisht, siç raportohet nga Economiafinanzaonline.it, ari është konsideruar gjithmonë një investim rezistent ndaj krizës. Ndryshe nga monedhat tradicionale, vlera e tijj nuk mund të ndikohet drejtpërdrejt nga politikat monetare të qeverisë. Kjo e bën atë veçanërisht tërheqës në kohë recesioni ose paqëndrueshmërie ekonomike.
Megjithatë, tregu i arit nuk është i lirë nga luhatjet dhe spekulimet. Vlera e tij ndikohet nga faktorë të shumtë, duke përfshirë ofertën dhe kërkesën, vendimet e bankës qendrore dhe tensionet gjeopolitike. Për më tepër, me pritjen e një uljeje të ardhshme të normës së interesit nga BQE dhe Fed, kërkesa për ar mund të pësojë ndryshime të mëtejshme.
Pyetja është a ia vlen akoma të shitet?
Sot çmimi i arit kaloi 2400 dollarë për ons dhe arriti në 75 euro për gram, një nivel i paarritur më parë në histori. Bankat qendrore në mbarë botën po blejnë ar me një ritëm të paprecedentë, tregojnë të dhënat nga Këshilli Botëror i Arit. Kjo për shkak se ari shihet si një rezervë e qëndrueshme vlere në një mjedis me inflacion të lartë dhe pasiguri ekonomike globale.
Megjithatë, pikërisht për shkak se çmimi ka arritur nivele rekord, shumë njerëz po pyesin nëse është koha e duhur për të shitur ?. Përgjigja varet nga nevojat tuaja personale dhe tendencat e ardhshme të tregut. Nëse vlera e arit vazhdon të rritet, ata që shesin tani mund të pendohen më vonë. Në të kundërt, nëse çmimet do të binin, ata që shesin sot mund të kenë bërë një pazar të mirë.
