Një aksident i rëndë ka ndodhur mesditën e kësaj të premteje në Durrës, ku një mjet ka përplasur patrullën e policisë, e për pasojë dy efektivë kanë marrë lëndime të shumta.
Dy efektivët janë dërguar me urgjencë drejt spitalit të Durrësit, ndërsa policia ka ndaluar drejtuesin e mjetit që shkaktoi aksidentin.
Burime bëjnë me dije se efektivët e patrullës kanë qenë duke lëvizur me motor në momentin e përplasjes.
Njoftimi i policisë:
Më datë 13.08.2021, rreth orës 12:10, në lagjen nr.4, Durrës, një mjet me drejtues shtetasin Sh. K., është përplasur me patrullën e Forcës së Posaçme “Shqiponja” e cila ishte në shërbim. Si pasojë e përplasjes janë lënduar punonjësit e Policisë shtetasit K. H., dhe A. K., të cilët janë dërguar në spital nën kujdesin e mjekëve.
Drejtuesi i automjetit po shoqërohet në ambientet e Policisë, për veprime të mëtejshme.
Grupi hetimor po punon për zbardhjen dhe përcaktimin e shkakut të aksidentit.
…
/faxweb
