Një aksident i rëndë ka tronditur mbrëmjen e sotme qytetin e Fierit, teksa një çift të moshuarish është përplasur nga një mjet tip Seat me targë AB868AJ.
Të moshuarit janë dërguar urgjentisht në spitalin e Fierit dhe nuk dihet gjëndja e tyre shëndetësore.
Mësohet se ky aksident ka ndodhur në vendin e quajtur “Kthesa e Etc” në qytetin e Fierit.
Informacioni paraprak i policisë:
Sot rreth orës 18:15, në vendin e quajtur “Kthesa e Etc”, shtetasi L. B., 30 vjeç, duke drejtuar automjetin tip “Seat” ka aksidentuar dy këmbësorë, shtetasit I. M., dhe Gj. M., të dy 67 vjeç, banues në Fier, të cilët ndodhen në spitalin e Fierit nën kujdesin e mjekëve.
Eshtë shoqëruar drejtuesi i mjetit, shtetasi L. B., dhe po kryhen veprimet procedurale.
Grupi hetimor ndodhet në vendngjarje dhe po punon për zbardhjen e plotë të rrethanave të aksidentit.
(E.H/Faxweb.al)
/faxweb
