Prania e presidentit Ilir Meta gjatë një ekpozite çame me fotografi të vendosura përgjatë murit rrethues të presidencës ka shkaktuar shumë bujë tek mediat greke aq sa ka bërë që ambasada greke të dërgoj një notë proteste ndaj vendit tonë duke akuzuar presidentin se kishte kryer një provokim ndaj tyre.
Ndërkohë lidhur me këtë zhvillim ka reaguar edhe Shoqata Çamëria dhe Fondacioni Çamëria “Hasan Tahsini” që e kanë konsideruar si një ndërhyrje në punët e brendshme të Shqipërisë në një mënyrë arrogante duke shkelur normat e komunikimit diplomatik. Në përmbajtje të reagimit të bërë, thuhej se aneksimi i Çamërisë në vitin 1913 dhe më pas spastrimi etnik ishte një cështje hostorike dhe një cështje drejtësie.
Deklatata e Plotë e Shoqatës Çamëria dhe Fondacionit Çamëria “Hasan Tahsini”:
“Akti i ambasadës greke në Tiranë është një ndërhyrje diplomatike e paprecedentë që shkel normat e komunikimit diplomat ik dhe ndërhyrje arrogante në punët e brendëshme të Shqipërisë”. “Çështja e shqiptarëve të Çamërisë është çështje drejtësie, dinjiteti dhe rekordesh historike”. Shqiptarët në gjithë historinë që kur ajo ka filluar të shkruhet nga babai i historisë Straboni, por edhe nga autorë helen si Tukiditi, nuk ka asgjë për të fshehur apo harruar.
Aq më pak shqiptarët e Çamërisë që jetonin dhe jetojnë akoma e kësaj dite në trojet e tyre kanë histori për të harruar. Ekspozita me harta kryesisht të 2-3 shekujve më parë, nga historianë francezë, gjermanë, italianë janë pjesë e historisë së Europës.
Është njësoj sikur të nxjerrësh hartat e Romës, Ilirisë, Bizantit, osmanëve, etj. Është i pa precedentë në marrëdhëniet ndërkombëtare të dy vendeve sovrane, sjellja dhe reagimi i përsësitur i ambasadës greke në Tiranë, drejtuar Presidentit të Republikës.
Akti i ambasadës greke në Tiranë është një ndërhyrje diplomatike e paprecedentë që shkel normat e komunikimit diplomatik dhe ndërhyrje arrogante në punët e brendëshme të Shqipërisë. Është rasti për ti kujtuar ambasadës greke, që pse Greqia akoma nuk ka marrë ësnjë akt për heqjen e Ligjit të luftës me Shqipërinë, që nga viti 1940, një akt ky i paprecedentë për dy vende fqinje, dy vende partnere të Natos dhe një vendi të BE-së.
Çështja e shqiptarëve të Çamërisë, aneksimi i Çamërisë që në mars të vitit 1913, si akt i një nga padrejtësive më të mëdha historike të Shqiptarëve, që kulmoi me pastrim etnik dhe genocide, ku u shfaros 20 % e popullsisë dhe 80% e saj u dëbua me dhunë, që nuk mund të harrohen e aq më keq, krimet të parashkruhen. Çështja e shqiptarëve të Çamërisë nuk është çështje e ndryshimit të kufijve, por ajo kontraston e është e gjallë me shkeljen sistematike të të drejtave të njeriut, te rikthimit të pronave, të varrezave njerëzore për mijëra viktima, etj.
Çështja e shqiptarëve të Çamërisë është çështje drejtësie, dinjiteti, rekordesh historike që buron nga Ligji nr 7839, datë 29.04.1991, të Parlamentit të Shqipërisë, që njeh 27 Qershorin e vitit 1944 si: “Dita e Genocidit ndaj Shqiptarëve të Çamërisë nga Shovinistët Grekë”, si edhe Rezoluta e Parlamentit të Shqipërisë, datë 8.04.2004, që obligon shtetin shqiptar në adresimin e zgjidhjes së saj.
…
/faxweb
