Ministria e Transportit nëpërmjet Autoriteti Rrugor ka dhënë disa detaje lidhur me procedurën për garën ndërkombëtare të segmentit Milot-Fier, procedurë e cila është denoncuar nga Partia Demokrtike si e paracaktuar.
Kreu i ARRSH thotë se kompania që do të dalë fituese do të bëjë një studim të detajuar të projektit, pasi deri më tani kemi vetëm studim fizibiliteti.
Nga ana tjetër, Ministria e Transportit është konsultuar për këtë procedurë me një kompani të huaj të kontraktuar nga Bashkimi Europian.
Sa i përket akuzave për një kosto të ekzagjeruar të investimit, ARRSH sqaron se ajo është një vepër komplekse si dhe me rrugë dytësore çka i jep mundësi përdoruesve të shmangin pagesat.
Partia Demokratike ka hedhur akuza të forta për këtë tender, që sipas saj jo vetëm është i paracaktuar, por mbi të gjitha ka një kosto të rëndë për qyetarët, që do jenë përdorues të saj, vetëm më synimin për të favorizuar kompninë fituese.
