Është rihapur sërisht kampionati gjerman, pasi Bayern Mynchen është mposhtur këtë të shtunë nga Eintracht Frankfurt, në shtëpinë e këtij të fundit, me rezultatin 2:1.
Kjo është ndeshja e dytë radhazi që Bayern nuk arrin të fitojë në kampionat, duke bërë që rivalët e tij për titull t’i afrohen.
Në vendin e dytë është aktualisht Leipzig, i cili ka 5 pikë më pak se Bayern, por ka një ndeshje për të luajtur ditën e nesërme.
Edhe vetë Frankfurt është ngjitur goxha në renditje, duke numëruar 42 pikë pas 22 ndeshjesh të luajtura, vetëm 7 pikë më pak se bavarezët e vendit të parë.
Në këtë mënyrë, gara për t’u shpallur fitues i këtij sezoni është rihapur sërish.
(E.H/Faxweb.al)
/faxweb
