Më shumë se 300 nxënëse janë rrëmbyer nga persona të armatosur të paidentifikuar nga një shkollë në shtetin veri-perëndimor të Nigerisë, Zamfara, thotë policia.
Oficerët e sigurisë shkuan në qytetin Jangebe ku vajzat u morën peng herët në mëngjes të Premten. Zyrtarët lokalë kanë konfirmuar sulmin por nuk kanë dhënë më shumë detaje.
Ky është rrëmbimi masiv më i fundit që shënjestron shkollat në javët e fundit. Bandat e armatosura shpesh kapin nxënës për t’i kthyer më pas për shpërblime të ndryshme.
Të paktën 42 persona, përfshirë 27 studentë, të cilët u rrëmbyen javën e kaluar në Kagara, në shtetin fqinj Niger, ende nuk janë liruar.
Rrëmbimi i vitit 2014 i 276 vajzave shkollore në qytetin veri-lindor të Chibok nga militantët islamikë Boko Haram solli vëmendjen globale ndaj murtajës së bastisjeve në shkolla në Nigeri, por sulmet më të fundit dyshohet të jenë punë e bandave kriminale.
Sulmi i së premtes ndodhi në 01:00 me kohën lokale (mesnata GMT) kur një grup i armatosur mbërritën në Shkollën e Mesme të Vajzave në qytetin Jangebe me automjete dhe motorë, tha një mësues në faqen e lajmeve Punch.
Disa nga personat e armatosur ishin veshur si forca qeveritare të sigurisë, tha raporti, duke shtuar se ata detyruan vajzat të hipnin në automjete. Por dëshmitarë të tjerë i kanë thënë BBC se burrat e armatosur shkuan në këmbë në shkollë.
Prindërit e shqetësuar janë mbledhur jashtë shkollës dhe disa kanë dalë për të kërkuar vajzat e tyre, thonë dëshmitarët.
(E.H/Faxweb.al)
/faxweb
