Ish-kryeministri Sali Berisha u shpreh se ka bërë gabim shumë të rëndë gjatë karrierës së tij politike, lejimin e skemave piramidale. I ftuar në emisionin Tempora, Berisha u shpreh se ai në ndryshim nga Fatos Nano nuk iu premtoi shqiptarëve se do tiua kthente paratë, pasi i duhej të merrte për këtë një borxh, që Shqipëria nuk e përballonte dot.
Berisha: Unë kam njohur në gabim shumë të rëndë, lejimin e skemave piramidale. Por sërish, në ’97 ishte Fatos Nano që u tha shqiptarëve që do t’u jepte çdo qindarkë të humbur, ndërsa unë u thash që nuk do t’u jap asnjë qindarkë.
Nëse do të vendosja që të merrja një borxh të pa marrë, do t’i paguaja çdo qindarkë. Aty bëra një zgjedhje të drejtë, pas një tolerance dhe gabimi të madh.