Gjatë emisionit “Shock” në Euronews Albania, ku flasin analistët Andi Bushati dhe Baton Haxhiu, ka patur një debat mes Bushatit dhe moderatores së emisionit.
Shkak është bërë titulli i emisionit, të cilin Bushati tha se Euronews e ka censuruar. Ndërsa moderatorja e emisionit deklaroi se titulli është publikuar sipas “standarteve të Euronews” dhe se analisti duhet t’u “përshtatet këtyre standateve”.
Pjesë nga debati:
Andi Bushati: Shpresoj që këtë Euronews të mos na e censurojë, siç ka censurur titullin e emisionit.
Moderatorja: Ç’lidhje kishte me censurimin këtu Bushat?
Andi Bushati: Sikur kishim titull tjetër, “Meta, fushatë me banditë”, jo vetëm fushatë me banditë.
Moderatorja: Ne veprojmë sipas standarteve të Euronews dhe këtu është Euronews Albania.
Andi Bushati: Kjo është çështje censure pastaj.
Moderatorja: Nuk është censurë, por ka disa standarte, disa parime të cilat ne i respektojmë.
Andi Bushati: Të cilat ne nuk i kemi?
Moderatorja: Nuk e di, ju duhet të përshtateni.
Andi Bushati: Jo nuk kemi ndërmend, kemi 30 vjet s’jemi përshtatur me censurën.
Moderatorja: Ky është Euronews Albania, nuk është si në televizionet e tjera.
/TPZ.al/