Presidenti i Shqipërise, Ilir Meta ka përcjellë një mesazh solidaritet në Ditën Ndërkombëtare të Kujtesës për viktimat nga Holokausti.
Meta kujton se Shqipëria ishte i vetmi vend ku nuk humbi jetën asnjë hebre, dhe madje asnjë prej tyre nuk iu dorëzua nazistëve.
Ai shpreson që mos lejohen kurrë gjenocide si holokausti, teksa vlerësoi marrëdhëniet Shqipëri-Izrael në ditët e sotme.
Postimi i plotë:
Sot, në Ditën Ndërkombëtare të Kujtesës, u bashkohem lutjeve për miliona viktima të pafajshme të mizorisë së Holokaustit dhe për të gjithë ata, të cilët i mbijetuan tragjedisë më të tmerrshme njerëzore të kohërave tona dhe janë sot dëshmitarë të gjallë të saj, për të na inkurajuar, që të mos lejojmë KURRË MË të tilla gjenocide e akte çnjerëzore.
Shqipëria ishte i vetmi vend në Europë, ku nuk humbi jetën asnjë hebre dhe askush prej tyre nuk iu dorëzua pushtuesve nazistë, duke dalë nga ajo periudhë e errët, me një popullsi hebraike më të madhe në numër nga ç’kishte para fillimit të Luftës.
Ndihemi jashtëzakonisht krenarë dhe e gjithë bota duhet të ndjekë shembullin frymëzues shqiptar dhe Kodin tonë të nderit e të mikpritjes BESA!
I lumtur, që sot Shqipëria dhe Izraeli ndajnë të njëjtat vlera të paqes, lirisë dhe demokracisë dhe janë bashkërisht të angazhuara në luftën ndaj terrorizmit dhe antisemitizmit, për promovimin e tolerancës, bashkëjetesës dhe përkujtimit të Holokaustit.
#WeRemember #NeverAgain
Sot, në Ditën Ndërkombëtare të Kujtesës, u bashkohem lutjeve për miliona viktima të pafajshme të mizorisë së Holokaustit…
Posted by Ilir Meta on Tuesday, January 26, 2021
