Në lidhje Skype për Fax News, avokati Spartak Ngjela foli mbi situatën politike në vend ku sipas tij zgjedhje të lira nuk ka për vetë faktin që të dy palët nuk e pranuan kërkesën e ndërkombëtarëve për depolitizimin e administrimit të zgjedhjeve, ndërsa nga ana tjetër nuk shikohet asnjë angazhim i ndërkombëtarëve.
Sipas avokatit, nga informacionet që ai ka, ndërkombëtarët do të kërkojnë qeveri teknik, por se kur do ta kërkojnë para apo pas zgjedhjeve një gjë e tillë nuk dihet ende.
Ai tha se nëse SPAK-u do të funksionojë në lidhje me reformën anti-korrupsion për politikanët, atëherë të gjithë do të jenë nën hetim dhe në këtë mënyrë nuk do të jenë pjesë e zgjedhjeve dhe prandaj duhet qeveri teknike.
“Të dy palët nuk e pranuan kërkesën e ndërkombëtareve për depolitizimin e administrimit të zgjedhjeve. Kanë një marrëveshje të heshtur brenda me komisionerët, 50% i merr njëri 50 tjetri. Domethënë zgjedhje të lira nuk ka. Fakti që nuk e pranuan depolitizimin kuptohet që diçka kërkojnë. Nuk po shofim një angazhim të madh të ndërkombëtarëve, cila është arsyeja nuk e di.
Një informacion që më ka ardhur mua, jo shqiptarë, thotë që ndërkombëtarët na kërkojnë qeveri teknike, por do ta kërkojnë para apo pas zgjedhjeve nuk e di, një kjo e para. E dyta, në qoftë se e fillon me forcë reforma anti-korrupsion janë nën akuzë të gjithë.
Pra në qoftë se do të funksionojë SPAK-u nuk i ke këta në zgjedhje. Fakti që duhet një qeveri teknike, thonë unë nuk e di më saktë, atëherë analiza juride e imja është kjo. Fakti që këta nuk do të jenë në zgjedhje sepse do të jenë nën hetim dhe mund të marrin edhe pafajësinë, për anti-korrupsion atëhere duhet qeveri teknike. Pra ka një pikëpyetje të madhenë këtë mes dhe gjithçka është e përqëndruar tek SPAK-u“, u shpreh avokati Ngjela.
(S.D/Faxweb.al)
/faxweb