Futbollistët e Kombëtares Shqiptare, ata të euro 2016, nuk do të kenë më pasaporta diplomatike.
Nga pjesëmarrja historike në finalet e euro 2016,qeveria në shenjë nderimi, pajisi secilin prej lojtarëve me pasaporta diplomatike, pasi i konsideronte jo vetëm heronj, por edhe ambasador të Shqipërisë.
Por sot, shumë gjëra kanë ndryshuar. Në një letër të hapur, Ministria për Evropën dhe Punët e Jashtme shfuqizon këtë vendim, ndërsa i kujton Federatës Shqiptare, që të gjitha subjektet e saj që janë pajisur me pasaportën diplomatike, duhet ta dorëzojnë atë brenda afatit, që është data 30 qershor i këtij viti.
