Francesco Zummo ka zgjedhur të heshtë para gjykatës. Ndërtuesi që përfundoi në arrest shtëpie pasi kishte pastruar, sipas akuzës, një pjesë të parave që i ishin sekuestruar, ka shfrytëzuar të drejtën për të mos u përgjigjur para gjyqtarit hetues Alfredo Montalto. Ai shoqërohej nga avokatët Gioaçhino dhe Alberto Sbaçhi.
Një strategji tjetër ditët e fundit është zbatuar nga Fabio Petruzzella, llogaritari që përfundoi në burg dhe të cilit Zummo i kishte besuar për të transferuar paratë nga dy llogaritë zvicerane në një bankë në Tiranë, Shqipëri. Janë 23 milionë, nga të cilët rreth katër duhet të kishin ndjekur një tjetër kalim drejt Hong Kongut ose Bahamas. Një kalim i bllokuar nga autoriteti shqiptar i cili punoi në sinergji me prokurorinë e Palermos.
Petruzzella, i mbrojtur nga avokatët Roberto Tricoli dhe Luigi Miceli, gjatë marrjes në pyetje e ka cilësuar punën e tij si të ligjshme. Ai vuri në dukje faktin se lëvizja e parave kishte ndodhur në fazën në të cilën pasuritë e Zummo-s – pasuri e paluajtshme, kompani dhe para në një vlerë totale prej 150 milionë euro – ishin liruar nga masat parandaluese. Megjithatë, pasi konfiskimi të jetë bërë përfundimtar, hetuesit do të vijojnë me hetimet për operacione të tjera të transferimit të parave.
Zummo me ndihmën e Petruzzelës do të kishte bërë që paratë që tani i përkasin shtetit të dukeshin të ishin të ligjshme të tijat.
(E.H/Faxweb.al)
në Facebook, klikoni Join Group
…
/faxweb
