Vendoset sekuestro preventive për një llogari bankare në shumën 400 mijë dollarë, që i perket administratorit të në një shoqërie SHPK. Burime zyrtare nga policia bëjnë me dije se, ky vendim u mor pas hetimit të nisur nga Seksioni për Hetimin e Pastrimit të Parave në DVP Tiranë, në koordinim nga Departamenti i Policisë Kríminale dhe nën drejtimin e Prokurorisë së Rrethit Gjyqësor Tiranë.
Bëhet fjalë për shtetasin me inicialet A. G., administrator i një shoqërie SHPK, ndaj të cilit rëndon akuza për veprat penale “Pastrimi i produkteve të veprës penale ose të veprimtarisë kríminale” dhe “Ushtrim pa licencë i veprimtarisë financiare”.
NJOFTIMI I POLICISË
Specialistët e Seksionit për Hetimin e Pastrimit të Parave në DVP Tiranë kishin dërguar materialet paraprake hetimore në Prokurorinë e Rrethit Gjyqësor Tiranë, e cila regjistroi procedimin penal për veprat penale “Pastrimi i produkteve të veprës penale ose të veprimtarisë kríminale” dhe “Ushtrim pa licencë i veprimtarisë financiare”.
Në zbatim të këtij procedimi, në bashkëpunim me Prokurorinë pranë Gjykatës së Shkallës së Parë Tirane, për identifikimin dhe gjetjen e aseteve kríminale që rrjedhin nga veprimtaria kríminale, në funksion të procedimit penal të vitit 2020 dhe vendimit të sekuestrimit datë 26.05.2020, u bë sekuestrimi i llogarisë bankare në shumën 400 mijë dollarë, në emër të shtetasit A. G., administrator i një shoqërie SHPK, për veprat penale “Pastrimi i produkteve të veprës penale ose të veprimtarisë kríminale” dhe “Ushtrim pa licencë i veprimtarisë financiare” .
Vendoja e sekuestros preventive, pas tentativës së bërë nga shtetasi A. G., për transfertën e shumës jashtë vendit, në Australi, në llogari të vëllait të tij.
Nën drejtimin e Prokurorisë po vijon puna për të zbuluar asete të tjera dhe bashkëpunëtorët në këtë aktivitet kríminal.
