Gegë Mhillaj, 60-vjeçari që akuzohet se përplasi qëllimisht me makinë ish-kolegun e tij Mark Gjeta, në Mirditë do të dalë sot para gjykatës.
Mhillaj sapo ka mbërritur në gjykatën e Lezhës, ku do të njihet me masën e sigurisë.
Ngjarja e rëndë ndodhin pak ditë më parë në fshatin Bungaj të Mirditës.
Gegë Mhillaj dhe viktima kishin pasur konflikte prej një viti, pasi kanë punuar bashkë në një ndërmarrje elektrike. Ditën e ngjarjes ata kanë debatuar sërish.
Në debat e sipër viktima i ka dalë përpara makinës duke i thënë se nuk mund t’i bënte asgjë.
Por Gega dyshohet se i ka dhënë gaz makinës duke e përplasur Gjetën. Për pasojë ky i fundit ka ndërruar jetë.
Në dëshminë e tij para hetuesve, Mhillaj shfaqi pendesë për krimin, duke u shprehur se kishte ndodhur në moment gjaknxehtësie.