Dy persona janë arrestuar gjatë ditëve të fundit, pasi ka dyshime se pritën në aeroportin e Rinasit dhe më pas strehuan një nga personat më të kërkuar aktualisht në botë, turkun Faruk Fatih Ozer.
Ky i fundit është shpallur në kërkim ndërkombëtar nga autoritetet turke, pasi akuzohet për mashtrim në vlerën e 2 milion eurove me kriptomonedhën virtuale “Thodex”. Faruk Fatih Özer, raportohet se u arratis nga Turqia më datë 20 prill duke fluturuar në drejtim të Shqipërisë.
Mediat turke raportojnë se policia shqiptare në bashkëpunim me autoritetet e Turqisë kanë kryer kontrolle në shtëpinë ku mendohet se strehohej Faruk Fatih Özer në Shqipëri duke kryer aty kontrolle, ndërsa u arrestuan edhe dy persona me shtetësi shqiptare.
Ozer dyshohet se ka mashtruar dhjetra mijëra turq, të cilët kishin investuar paratë e tyre në monedhën virtuale turke “Thodex”, e cila shpalli falimentin pak ditë më parë.
Ndërkohë autoritetet shqiptare nuk kanë ende asnjë reagim në lidhje me kontrollet apo arrestimet e kryera për llogari të turqve
Për t’ju bashkuar faqes sone në Facebook, klikoni like
loading…
/faxweb