M.K është 23-vjeçari nga Mitrovica që u qëllua për vdekje mbrëmjen e djeshme në vendin e tij të punës.
Jepi zë raporton se 23 vjeçari u bë aksidentalisht viktimë pasi objektivi ishte diku tjetër.
Siç raportohet, dyshohet në shënjestër ishte pronari i një picerie, por plumbi goditi 23-vjeçarin.
Në përleshjen me armë që ndodhi në rrugën “Bislim Bajgora”, u plagosën edhe dy persona të tjerë. Ata janë duke u trajtuar në QKUK.
Më poshtë gjeni njoftimin e policisë së Kosovës:
“Rreth orës 22:20, policia ka marrë informacion për të shtëna me arme zjarri në rrugën ‘Bislim Bajgora’ në Mitrovicë. Menjëherë pas marrjes së këtij informacioni në vendin e ngjarjes kanë dalë të gjitha njësitet e nevojshme policore, të mbështetura edhe nga njësiti rajonal për hetimin e krimeve si dhe njësitë e tjera për ekzaminim të vendngjarjes. Bazuar në të dhënat fillestare, nga arma e zjarrit janë plagosur tre persona, si pasojë njëri nga te plagosurit i moshës 23 vjeçare ka vdekur, vdekjen e të cilit e ka konstatuar mjeku, ndërsa dy të plagosurit tjerë janë dërguar në QKUK për trajtim te mëtejmë mjekësor”.
/faxweb
