Greva e nisur prej kontrollorëve në aeroportin Nënë Tereza ka sjellë ndërprerjen e funksionalitetit të aeroportit. Përmes një njoftimi TIA bën me dije se si pasojë e mungesës së stafit janë prekur dy fluturimet e para, respektivisht një avion i ‘Aegean Airline’ me destinacion Athinë-Tiranë dhe një tjetër i ‘Air Albania’ me destinacion Stamboll-Tiranë, të cilët do të kenë 40 minuta vonesë.
Njoftimi i plotë: Sot, më 7 Prill 2021, nga ora 9.23 deri në ora 09.55, orë lokale, janë ndërprerë operimet në Aeroportin Ndërkombëtar të Tiranës, për shkak të mungesës së stafit në Agjencinë e Trafikut të Kontrollit Ajror.
Dy fluturime janë prekur nga ky fakt, Aegean Airline me destinacion Athinë-Tiranë dhe Air Albania me destinacion Stamboll-Tiranë, që do të ketë 40 minuta vonesë. Aegean Airline është kthyer sërish në Athinë. Operimet kane rifilluar në 09.55 dhe Aegean pritet të riniset për të sjellë pasagjerët në Tiranë.
