Ish-deputetja demokrate, Grida Duma, shkruan në një postim në “Facebook” se bashkohet me dhimbjen e mijëra qytetarëve shqiptarë, që sipas saj, janë braktisur nga qeveria e Edi Ramës, duke humbur të afërmit e tyre nga pamundësia për të marrë shërbimin e duhur në spitale.

Sipas ish-deputetes Duma, degradimi i sistemit shëndetësor në këto 8 vjet është vetëm përgjegjësi e Ramës, ndrësa shton se ai përpara shëndetit të njerëzve vuri koncesionet.

Mesazhi i Dumës:

Po e shpërndaj sot këtë video për të ndarë dhimbjen dhe revolën me familjen që humbi babanë në kushte të vështira spitalore.

Ndaj dhimbjen dhe revoltën edhe me qindra e mijëra qytetarë të tjerë shqiptarë që ndihen po kaq të braktisur nga qeveria e Edi Ramës, po kaq të indinjuar dhe të dëshpëruar për humbjen e të afërmve nga pamundësia për të marrë shërbimin e duhur në spitale.

Degradimi i sistemit shëndetësor në këto 8 vjet është vetëm përgjegjësi e tij. Përpara shëndetit të njerëzve, ai vuri koncesionet, me të cilët mbushin xhepat. Me këtë kryeministër kemi ngecur në vend.

Është koha ta ndryshojmë në 25 prill këtë realitet!