Deputetja e PD, Ina Zhupa i është përgjigjur deklaratave të kreut të bashkisë Tiranë, Erion Veliaj i cili theksoi se halli i vetëm i kreut të PD Lulzim Basha është që të sqarojë në gjyq nëse ka katër apo pesë vila.

Përmes një postimi në rrjetet sociale, Zhupa shprehet se kreu i bashkisë së Tiranës duhet të paraqitet fizikisht në SPAK për të dëshmuar sipas saj në lidhje me shpifjet që i rëndojnë ligjërisht.

 

Më tej Zhupa është ndalur tek Vettingu i politikanëve ndrësa thekson sse kjo është rruga nëpërmjet të cilës çdo politikan i zgjedhur të japë llogari për pasurinë e pajustifikuar dhe lidhjet me krimin.

 

“S’mund të çojë kasetat e tij të gatshme në SPAK”. Zëdhënësja e PD, Ina Zhupa i përgjigjet Veliajt: Të japë llogari për shpifjet. Vettingu në politikë këput fijet e pushtetarëve me krimin

Erioni i propagandës nuk mund të cojë kasetat e tij të gatshme ne SPAK. Atje ai duhet të shfaqet live dhe të dëshmojë për shpifjet që i rëndojnë ligjërisht.

Koha e akuzave të rreme, e gënjeshtrave dhe e baltës mbi kundërshtarin duhet të marrë fund.

Për ta konkretizuar këtë akt duhet miratuar sa me shpejt vetingu i politikaneve në mënyrë që çdo i zgjedhur në këtë vend të japë llogari për pasurinë e pajustifikuar dhe lidhjet me krimin.

Vetëm kështu lidhjet e politikës me krimin dhe korrupsionin mund të ndahen përfundimisht dhe shqiptarët te kenë klasën politike që meritojnë”, shkruan Zhupa.

Subscribe kanalin tonë në Youtube për të mos humbur asnjë video të re