Një aksident rrugor ka ndodhur pak minuta më parë në vendin e quajtur “Rotondo e Levanit”, ku një kamion ka dalë nga rruga dhe ka përfunduar në kanalin anësor.
Sipas burimeve nga vendngjarja, bllokimi i timonit gjatë lëvizjes ka bërë që drejtuesi i mjetit të humbasë kontrollin dhe të mos mund të manovrojë, duke shkaktuar devijimin e menjëhershëm të kamionit.
Fatmirësisht, drejtuesi i mjetit nuk ka pësuar lëndime, ndërsa dëmet materiale janë të konsiderueshme, pasi kamioni ishte i ngarkuar me enë kuzhine, të cilat janë dëmtuar nga përplasja dhe rënia në kanal.
Në vendngjarje kanë mbërritur menjëherë forcat e policisë dhe grupi hetimor, të cilët po punojnë për të zbardhur plotësisht shkaqet e aksidentit dhe për të verifikuar nëse kemi të bëjmë me defekt teknik apo me ndonjë tjetër rrethanë.
