Konflikti me karrige dhe me armë në Tiranë, të përfshirë dyshohen dhe mësues të shkollës, sherri nisi në lokal dhe më pas…

IMG_20211011_102952.jpg

Ndajeni këtë artikull me të tjerë duke klikuar ikonat më poshtë

Dalin detaje të reja nga sherri banal që ka ndodhur mëngjesin e sotëm pranë shkollës “Çajupi” në Tiranë.

Burime jo zyrtare bëjnë me dije për “Fax News” se pjesë e konfliktit që ndodhi në afërsi të shkollës “Çajupi” në Tiranë kanë qenë edhe mësues të shkollës 9-vjeçare. Konflikti mes disa personave, ende të paidentifikuar, ka nisur fillimisht në ambientet e një lokali dhe më pas ka vijuar në rrugë.

Gjithashtu bëhet me dije se njëri prej banorëve ka qëlluar një herë me armë zjarri në ajër por policia e ka neutralizuar duke e shoqëruar në komisariatin nr4.

Paraprakisht dyshohet se disa banorë janë konfliktuar fillimisht me sende të forta në afërsi te shkollës “Çajupi” por s’ka lidhje me shkollën, dhe janë dëmtuar 4 persona dyshohet me sende të forta.

Pjesë e ngjarjes është bërë edhe operatori i Fax News Ledio Guni ku në momentin që ka tentuar të filmojë konfliktin, është sulmuar fizikisht nga agresorët. Edhe pse operatori i Fax News ka thënë se është në krye të detyrës, dhe punonjës i medias, në drejtim të mjetit të tij është gjuajtur me karrige dhe është ofenduar kërcënuar me fjalë ofenduese.

Gazetari Fatjon Gjinaj raporton se në vendin e ngjarjes është gjetur dhe një krëhër i dytë, çka shton dyshimet e përdorimir të më shumë se një arme zjarri. Në lidhje me konfliktin nuk ka ende një njoftim zyrtar nga ana e Policisë.

/faxweb

Ndajeni këtë artikull me të tjerë duke klikuar ikonat më poshtë