Kryebashkiaku i Lushnjeë, Fatos Tushe u la në burg. Kjo ishte masa e sigurisë e dhënë nga Gjykata e Posaçme Antikorrupsion, pas një séance maratonë këtë të enjte.
Shtatë të arrestuarit e tjerë patën të njëjtin fat me Fatos Tushen, ndërsa katër të tjerë u lanë në arrest shtëpie. Fatos Tushe ishte i pranishëm në seancën gjyqësore dhe kërkoi pushim të akuzës.
Ndaj tyre rëndojnë veprat penale “Korrupsion pasiv i personave që ushtrojnë funksione publike”, “Shkelje e barazisë së pjesëmarrësve në tendera apo ankande publike”, “Shpërdorim detyre” si dhe “Falsifikim dokumentash”
Sipas SPAK, kryebashkiaku në bashkëpunim me 8 zyrtarët e arrestuar të Ndërmarrjes së Pasurisë Publike të bashkisë Lushnje kanë favorizuar biznesmenin Ibrahim Lami për të marrë përmes dokumentave fiktive tenderin prej 24 milion lekësh për rehabilitimin e kanaliti ujitiës të fshatit Bitaj.