Kryetari i Lëvizjes Vetëvendosja, Albin Kurti ka uruar Lumturi Abdixhikun për postin e ri si kryetar i Lidhjes Demokratike të Kosovës.
Përmes një postimi në rrjetet sociale, Kurti është shprehur se pret një bashkëpunim mes tyre për legjislaturën e re, për të cilën LVV ka thënë se do të konsitituohet në fund të këtij muaji.
Postimi i plotë:
Dëshiroj të uroj punë të mbarë për z. Lumir Abdixhiku, i cili është zgjedhur kryetar i ri i LDK-së.
Është interes i përbashkët i çdo qytetari të Kosovës që partitë politike të hedhin hapa përpara sa i përket demokratizimit të brendshëm, bashkëpunimit midis opozitës dhe qeverisë për punë të dobishme, por edhe opozitarizmi i fortë për çështje të argumentuara drejt e saktë.
Nga ana ime, vullneti e korrektësia për bashkëpunim në interes të vendit e në përputhje me verdiktin që qytetarët dhanë në zgjedhjet e 14 shkurtit, nuk do të mungojë asnjëherë.
Të gjithë mund të japim shumë për Kosovën, e askush askujt nuk mundet më t’ia mohojë këtë të drejtë.
(R.G/Faxweb.al)
/faxweb
