Një aksident tragjik ka ndodhur pasditen e sotme në Ishull Lezhë në aksin Lezhë-Milot. Mësohet se si pasojë e këtij aksidenti ka mbetur i vdêkur një person.
Burime bëjnë me dije se viktima është përplasur nga një makinë, teksa ecte në këmbë. Ende nuk është bërë i mundur identifikimi i personit që ka humbur jetën.
Ndërkohë në vendin e ngjarjes kanë shkuar forca të shumta policie të cilët po punojnë për zbardhjen e shkaqeve të plota të aksidentit.