Janë identifikuar pasditen e sotme tre autorët e plagosjes në Qafë-Kashar, që ndodhi pak ditë më parë pas një manovre të gabuar në rrugë. L.L., 23 vjec, B.A., 27 vjec., dhe A.C., 26 vjec., jane shpallur ne kerkim.
Ne oret e para te mengjesit te 17 shtatorit, 2 të rinj kanë treguar se janë qëlluar me armë zjarri. Enis Sanxhku 20 vjeç dhe Noa Mato 19 vjeç janë mjekuar në spitalin e Traumës dhe më pas njëri prej tyre ka shkuar për të dhënë dëshminë lidhur me ngjarjen pasi gjendja e tij paraqitet pak më mirë se shoku i tij.
Ai ka treguar se kanë qenë duke u kthyer nga një ndeshje që sapo kishin bërë në kalçeto dhe shkak ishte bërë një manovrim i gabuar ku i kanë bllokuar rrugën autorit të ngjarjes. Më pas konflikti ka degraduar deri në përdorjen e armëve të zjarrit. Sipas tyre situata është krijuar vetëm si pasojë e një konflikti momental.
Ngjarja ka ndodhur në zonën e “Qafë-Kasharit” në orën 24:05. Ndërkohë dy të plagosurit nuk kanë pasur ndonjë precedent të mëparshëm kriminalë.
Ngjarja ka qenë totalisht e papritur dhe ka ndodhur në fraksione sekondash. Nga informacionet e siguruara nga gazetari i Fax News, Fatjon Gjinaj, mësohet se të rinjtë e plagosur nuk kanë pasur njohje të mëparshme me autorin e ngjarjes, përndryshe ata do ta kishin identifikuar atë.
Njoftimi i Policisë:
Zbardhet dhe dokumentohet ngjarja e ndodhur, me datë 17.09.2021, në Qafë Kashar.
Identifikohen dhe shpallen në kërkim 3 autorët e dyshuar të ngjarjes.
Specialistët për Hetimin e Krimeve në Komisariatin e Policisë Nr. 6, nën drejtimin e Prokurorisë, në vijim të punës për zbardhjen dhe dokumentimin e ngjarjes së ndodhur më datë 17.09.2021, rreth orës 00:05, në Qafë Kashar, bazuar në provat e grumbulluara, bënë të mundur identifikimin dhe shpalljen në kërkim të autorëve të dyshuar të ngjarjes, shtetasit:
L. L., 23 vjeç, B. A., 27 vjeç dhe A. C., 26 vjeç.
Nga veprimet hetimore ka rezultuar se si pasojë e konfliktit, i cili ka agravuar deri në përdorimin e armës nga njëri prej shtetasve të lartpërmendur është plagosur me armë zjarri shtetasi R. S., 21 vjeç, i cili ndodhet në spital, jashtë rrezikut për jetën. Nuk ka persona të tjerë të dëmtuar nga përdorimi i armës së zjarrit.
Materialet i kaluan Prokurorisë pranë Gjykatës së Shkallës së Parë Tiranë, për veprime të metejshme.
Bënë një manovër të gabuar por e pësuan keq nga drejtuesi i automjetit, si është gjendja e të rinjve që po ktheheshin nga kalçeto dhe u plagosën me armë zjarri
…
/faxweb
