Të shtëna me armë zjarri janë dëgjuar mbrëmjen e sotme në Mamurras të Lezhës pas një konflikti të çastit mes dy të rinjve. Deri tani nuk raportohet për të lënduar.

Policia ka mbërritur në vendngjarje dhe po punon për zbardhjen e plotë të rrethanave dhe identifikimin e autorëve.

Njoftimi i policisë: Qëlloi me armë zjarri në ajër pas një konflikti të çastit, identifikohet dhe shpallet në kërkim autori i dyshuar

Më datë 12.01.2021, në fshatin Adriatik, Kurbin  shtetasi A.B.,20 vjeç, dyshohet se pas një konflikti të çastit me shtetasin E.P., 18 vjeç ka qëlluar me armë zjarri në ajër dhe më pas është larguar me shpejtësi.

Pas marrjes së informacionit menjëherë në vendngjarje kanë mbërritur shërbimet e policisë ku falë veprimeve të shpejta bënë identifikimin e autorit të dyshuar.

Grupi hetimor nën drejtimin e Prokurorisë po vijon punën për zbardhjen e plotë të rrethanave të ngjarjes.

Ndërkohë  shërbimet e Policisë po krehin zonën  për kapjen e 20 vjeçarit si dhe gjetjen e  sekuestrimin e  armës së zjarrit  me të cilën ka qëlluar në ajër.

/faxweb