Lihen në fuqi masat kufizuese kundër COVID. Vendimi është bërë publik këtë të mërkurë nga Komiteti Teknik i Ekspertëve.

Në një konferencë për shtyp, drejtuesja e ISHP-së, Albana Fico, teksa informonte për situatën epidemiologjike, vuri theksin tek ulja e numrit të vdekjeve nga COVID gjatë kësaj jave. Po ashtu, ka pësuar rënie edhe mesatarja e rasteve të reja.

Nga ana tjetër, Skënder Brataj tha se është ulur edhe numri i vizitave.

Zëvendësministrja e Shëndetësisë, Mira Rakacolli deklaroi në mbledhje se ka një përmirësim të situatës, por nuk jemi aty ku duhet. Sa i përket procesit të vaksinimit, ajo u shpreh se gjatë këtyre 10 ditëve, Shqipëria ka zënë vendin e parë në rajon sa i përket ritmit të injektimit të dozave.