Ka marrë fund emergjenca mjedisore në qytetin e Fierit, ku pothuajse pas 6 ditësh janë shuar të gjitha vatrat e zjarrit në fushën e mbetjeve.

Ndonëse flakët u shuan 3 ditë më parë mbetjet e djegura kanë vijuar të çlirojnë tym edhe ditën e djeshme. Fatmirësisht sot janë mbuluar vatrat e tymit të cilat kanë krijiar probleme në ndotjen e ambientit në shkallë të gjerë.

Kreu i Bashkisë së Fierit Armando Subashi deklaroi se nuk do ketë më depozitim mbetjesh në këtë fushë dhe se nga nesër do i transportojnë për në incenerator.

“Dua t’ju komunikoj sot është lajmi që përfundimisht zjarri në të gjithë fushën e mbetjeve këtu është vënë n ë kontroll të plotë. Nuk ka më as tym asgjë. Është një punë shumë voluminoze që është bërë në të gjithë këto ditë. E gjithë fusha është kapsuluar dhe nuk përbën më asnjë rrezik për ndezje të vatrave të zjarrit.

Ne nuk do ta ndërpresim punën dhe do ta vijojmë me mbulimin e saj me dhe deri në atë lartësi që është e nevojshme. Pas kësaj faze do të vazhdojmë në tetor me mbjelljen e 5000-7000 pemëve në të gjithë këtë fushë.

Këtu përfundimisht nuk do të depozitohen më mbetje. Kemi biseduar këto edhe me koncesionarin dhe kemi rënë dakord që nga nesër pasdite të gjitha mbetjet që krijohen në Bashkinë e Fierit do të shkojnë në incenerator. Vjeshta do të jetë edhe periudha kur e gjithë kjo fushë do të pyllëzohet dhe gradualisht do të kthejmë nga një gangrenë në një park të vogël. Do të jetë një kujtim i hidhur”, tha Subashi.

/faxweb

Subscribe kanalin tonë në Youtube për të mos humbur asnjë video të re