Ditën e sotme Presidenti Ilir Meta kujtoi Laver Bariun, një nga personalitetet e shquar të muzikës popullore shqiptare, themelues dhe drejtues i Sazeve të Përmetit.
Muzikanti i njohur ndërroi jetë shtatë vite më parë në moshën 86-vjeçare.
Postimi i plotë:
Ustai i madh i sazeve të Përmetit, artisti ynë i jashtëzakonshëm Laver Bariu, është përjetësuar si një ndër shprehësit më të fuqishëm të halleve, derteve dhe gëzimeve të popullit tonë.
Kryeveprat frymëzuese muzikore, që na la trashëgim, i përkasin çdo epoke dhe tingujt e kabave të tij të papërsëritshme me klarinetë, do të jetojnë sa të ketë shqiptarë!
I paharruar kujtimi i Usta Laverit.