Bashkë me urimin për 1 Qershorin, presidenti Ilir Meta, ka dhënë sot edhe një mesazh të forte.
Përmes një postimi në faqen e tij në “Facebook”, kreu i shtetit thekson se nuk duhet të dorëzohemi deri në realizimin e ëndrrave të tyre shumëngjyrëshe.
“Të mbrojmë të drejtat e fëmijëve çdo ditë me vepra dhe jo me fjalë, dhe t’ju sigurojmë një të ardhme të sigurt dhe frymëzuese në Atdheun tonë”, apelon kreu i shtetit.
Mesazhi i plotë i Ilir Metës:
Në Ditën e Festës së tyre, një urim të ngrohtë e të përzemërt për të gjithë fëmijët shqiptarë: Gëzuar 1 Qershorin!
Të ecim gjithmonë dorë për dore me fëmijët, për të mos u dorëzuar deri në realizimin e ëndrrave të tyre shumëngjyrëshe, për t’ju ruajtur buzëqeshjen e çiltër, për të mësuar nga sinqeriteti dhe dashuria e tyre, për të ndërtuar Shqipërinë e vërtetë europiane!
Të mbrojmë të drejtat e fëmijëve çdo ditë me vepra dhe jo me fjalë, dhe t’ju sigurojmë një të ardhme të sigurt dhe frymëzuese në Atdheun tonë!
