Sekretari i Përgjithshëm i Partisë Demokratike, Gazment Bardhi deklaroi ditën e sotme se Alfred Rushaj është në gjendje të rënduar shëndetësore.
Bardhi tha se ndryshimet që janë bërë brenda Partisë Demokratike, nuk kanë lidhje me vendimet e kryesisë.
Pyetja: Pse largohet Rushaj?
“Ndryshimi i kryetarit të grupit s’ka të bëjë me vendimin e kryesisë. Jam informuar nga kryetari partisë dhe Rushaj për një dakordësi të tyre që drejtimi i grupit t’i kalojë nënkryetarit tjetër të PD, Enkelejd Alibeaj. Ka qenë një vendim i përbashkët i tyre që drejtimi i grupit të bëhet nga Alibeaj. Vendimet e propozuara në Këshillin Kombëtar do të kalojnë në grupin parlamentar të PD. Dua të shpreh mirënjohjen time për punën që ka bërë zoti Rushaj si kryetar grupi. Ka bërë një punë të jashtëzakonshme edhe pse e kishte për herë të parë jetën parlamentare. Zoti Rushaj është në kushte të rënduar shëndetësore, është me COVID”, tha Bardhi në emisionin “Kjo Javë”.
Kryetari i Partisë Demokratike, Lulzim Basha ka vendosur të largojë kreun e grupit parlament të PD, Alfred Rushajn nga ky post, për ta zëvendësuar atë me deputetin Enkelejd Alibeaj.
në Facebook, klikoni Join Group
…
/faxweb
