Kryedemokrati Lulzim Basha vizitoi banorët sot nëpër qarqet e përmnytura si Shkodër, Lezhë dhe Fushë Krujë, të cilët janë duke u përballur prej ditësh me përmbytjet e reshjeve të shiut që sa vijnë e shtohen.
Basha theks se kohë të vështira për Shqipërinë, që po përballet si me dëmet nga moti, kriza ekonomike ashtu edhe nga pandemia, ndërsa shton se shumë fshatra janë të izoluar prej ditësh dhe banorët nuk kanë marrë asnjë komunikim me qendrat administrative, spitalet dhe tregjet.
Basha shton se për këta banor nuk ka ardhur asnjë ndihma nga qeveria, e cila në ditën më të keqe është shtruar në darka në restorantët më luksozë në Dubai dhe nuk do t’ia dijë për gjendejn e popullit që ndodhet nën ujë dhe i izoluar.
Postimi i plotë i Lulzim Bashës në Facebook;
Isha sot pranë banorëve të zonave të përmbytura në Shkodër, Lezhë dhe Fushë Krujë të cilët prej ditësh përballen me vështirësi për shkak të rreshjeve të mëdha.
Këto janë kohë të vështira për Shqipërinë, që po përballet si me dëmet nga moti, kriza ekonomike ashtu edhe nga pandemia. Qytetarët sot e kanë edhe më të pamundur për t’a përballuar këtë situatë të rënduar. Kriza ekonomike ua ka bërë të pamundur krijimin e rezervave ushqimore apo të kursimeve monetare.
Fshatra të tërë janë të izoluar prej ditësh pa asnjë komunikim me qendrat administrative, spitalet dhe tregjet. Ndërsa ndihma nga qeveria ka munguar.
Sot nuk është koha për politikë, por është koha t’u vihet në ndihmë qytetarëve, me ushqime, ujë të pijshëm e medikamente pasi shumë prej tyre kanë dhe probleme shëndetësore.
Duhet menaxhim i situatës dhe jo propagandë boshe, ndërsa shqiptarët vuajnë çdo ditë e më shumë. Për fat të keq, qeverisë nuk i bëhet vonë për qytetarët. Në ditën më të keqe është shtruar në darka në restorantët më luksozë në Dubai.
Partia Demokratike dhe unë do të bëjmë çdo gjë që mundemi për të dhënë ndihmën tonë. Ne do të përballemi me këtë situatë bashkë dhe do të dalim prej saj bashkë. Pas 25 prillit, të gjithë bashkë do të ndërtojmë një qeveri që kujdeset për qytetarët dhe jo per vete. Do të sjellim shpresë për të gjithë dhe ndryshimin që presin të gjithë shqiptarët.
/faxweb
