Sipas MeteoAlb: Paraditja në territorin shqiptar paraqitet me vranësira të shpeshta , të cilat do të sjellin reshje të pakta e të izoluara.
Por mesdita dhe pasditja sjellin reshje me intensitet mesatar në të gjithë vendin ku në Veriperëndim dhe Juglindje herë pas here do jenë në forme rrebeshi.
Temperaturat e ajrit mbeten konstante në mëngjes por ulen lehtë në mesditë duke luhatur vlerat ekstremale ditore nga -2°C deri në 12°C.
Era do fryjë mesatare gjatë paradites por forcohet në pasdite me shpejtësi 50km/h nga drejtimi Jugor duke krijuar në det dallgëzim 5 ballë.
Kosova
Vranësira të shpeshta dhe kthjellime të pakta dominojnë gjatë paradites. Por mesdita sjellë zhvillim të vranësirave dhe reshje në të gjithë Kosovën.
Maqedonia e Veriut
Deri në mesditë mbetet me mot të kthjellët. Po pasditja sjellë shtim të vranësirave dhe reshje shiu e dëbore me intensitet deri mesatar në të gjithë MV.
Rajoni dhe Europa
Reshje të dendura shiu e dëbore shoqëruar me stuhi ere mbizotërojnë motin në Rajonin e Mesdheut.
Po ashtu Ishujt Britanikë, Europa Qendrore dhe ajo lindore mbeten me reshje të dendura dëbore.
Ndërsa mot me diell por temperatura relativisht të ulta paraqiten Europa Veriore dhe Gadishulli Iberik.
