Bulqiza është përfshirë nga reshjet e borës këtë të hënë. Reshjet kanë nisur në orët e paradites, ndërsa vijojnë të jenë prezente në të gjithë territorin e kësaj bashkie.
Aktualisht mësohet se probleme ka në zonat e thella malore të disa njësive administrative si Krastë, Zerqan, Fushë Bulqizë, Ostren e Trebisht.
Në disa nga fshatrat e këtyre njësive trashësia e borës shkon deri në 15 cm shoqëruar me temperatura të ulta. Kjo ka bërë që rrugët të kalohen me vështirësi.
