Patronazhistët në raportin e OSBE/ODHIR, Kim: Qytetarët duhet të votojnë pa frikë

Yuri-Kim-5-675x450-1.jpeg

Ndajeni këtë artikull me të tjerë duke klikuar ikonat më poshtë

Ambasadorja amerikane në Tiranë, Yuri Kim ka ndarë një mesazh në lidhje me zgjedhjet e 25 prillit në vendin tonë. Përmes një postimi në rrjetet sociale, Kim shprehet ndër të tjera se i nxisin autoritetet që të veprojnë sipas rekomandimeve të OSBE/ ODHIR. Në raportin përfundimtar të OSBE, theksohet problemi me patronazhistët, ndërsa Kim thekson se qytetarëve duhet t’u garantohet e drejta për të votuar të lirë.

“Ne i nxisim autoritetet të veprojnë sipas këtij dhe rekomandimeve të tjera të OSBE/ ODHIR në lidhje me zgjedhjet e 25 prillit. E drejta e qytetarëve për të votuar lirshëm, pa frikë ose presion ose joshje të paligjshme është themelore për demokracinë,” shkruan Kim, ndërsa ka shpërndarë një postim të kreut të KQZ, Ilirjan Celibashit, i cili gjithashtu e ka vënë theksin te publikimi i të dhënave personale që citohet në raport.

Ndajeni këtë artikull me të tjerë duke klikuar ikonat më poshtë